Чӑваш Енре «Благодать» тулли мар яваплӑ общество директорӗпе унӑн мӑшӑрне ҫынсене улталанӑ тесе шухӑшлаҫҫӗ. Вӗсем тӗлӗшпе пуҫиле ӗҫ пуҫарнӑ. Тӗпчевҫӗсем шухӑшланӑ тӑрӑх, вӗсем ҫынсене 867 миллион тенкӗлӗх улталанӑ.
Укҫана юратакан (ӑна пурте юратаҫҫӗ-ха, анчах теприсем ҫавӑншӑнах ҫынна улталамаҫҫӗ) мӑшӑр тӗлӗшпе РФ Пуҫиле кодексӗн темиҫе статйипе пуҫиле ӗҫ пуҫарнӑ.
Тӗпчевҫӗсем шухӑшланӑ тӑрӑх, 2008 ҫултан пуҫласа 2020 ҫулччен Игорь Нарышкин тата унӑн арӑмӗ Светлана Маркова пӗр-пӗринпе ҫыхӑннӑ 8 фирмӑпа хуҫаланнӑ. Ҫав вӑхӑтра 1472 ҫынтан 867 миллион ытла тенкӗ укҫа вӑрланӑ. Вӗсем укҫана процентпа тавӑрса пама шантарнӑ.
Организацисем Чӑваш Енре, Мари Элта тата Чулхула облаҫӗнче пулнӑ.
Улатӑр муниципалитет округӗн пуҫлӑхӗ Нина Шпилевая тӗлӗшпе пуҫиле ӗҫ пуҫарнӑ. Хӗрарӑма ӗҫ вырӑнӗпе усӑ курнӑ тесе шухӑшлаҫҫӗ.
Нина Шпилевая 1962 ҫулта Пӑрачкав районӗнче ҫуралнӑ. 2004 ҫулта Чӑваш ял хуҫалӑх академийӗнчен, 2008 ҫулта Патшалӑх службин Атӑл-Вятка академийӗнче вӗренсе тухнӑ.
Вӑл — «Пӗрлехи Раҫҫей» партин вырӑнти уйрӑмӗн секретарӗ. Чылай ҫул Улатӑр районӗн администрацийӗнче тӗрлӗ должноҫре ӗҫленӗ. 2017 ҫулхи пуш уйӑхӗнче ӑна район администрацине ертсе пыма шаннӑ, 2022 ҫулта — Улатӑр муниципалитет округне.
Шупашкар районӗнче хӗрарӑм виллине тупнӑ. Ҫулланнӑ хӗрарӑм виллине Апаш ялӗн айккинче курнӑ. Ӑна пӗр ял ҫынниех вӗлернӗ тесе шухӑшлаҫҫӗ.
Вилене ӗнер, ҫӗртме уйӑхӗн 14-мӗшӗнче, асӑрханӑ. Усал ӗҫ тунӑ тесе шанманран ҫав ялти пӗр ҫынна тытса чарнӑ ӗнтӗ. Арҫын тӗлӗшпе РФ Пуҫиле кодексӗн 105-мӗш статйин 1-мӗш пайӗпе пуҫиле ӗҫ пуҫарнӑ.
Тӗпчевҫӗсем халӗ ку пӑтӑрмаха малалла тӗпчеҫҫӗ, вӗсем тӗрлӗ экспертиза туса ирттерме палӑртнӑ. Арҫын мӗншӗн ун пек усал шухӑш тытнине РФ Следстви комитечӗн Чӑваш Енри управленийӗн сайтӗнчи хыпарта пӗлтермен.
Шӑмӑршӑ районӗнчи пӗр ялти пӗр килти тавлашу алла ҫӗҫӗ ярса тытнипе вӗҫленнӗ. Ӑна тытаканни – хӗрарӑм.
Упӑшкипе тавлашнӑ вӑхӑтра хӗрарӑм ҫиеле тухас тенӗ курӑнать. Анчах ӳкӗте кӗртмелле витӗмлӗ сӑмах шырас вырӑнне вӑл аллине ҫӗҫӗ ярса илнӗ. Хытах хӗрсе кайнӑскер унпа упӑшкине чикнӗ. Кӑкӑртан. Урӑх ҫӗртен амантнӑ пулсан, тен, ҫӑлса хӑварма май килетчӗ-ши, кӑкӑртан амантнӑ арҫын инкек вырӑнӗнчех вилсе кайнӑ,
Инкек ҫу уйӑхӗн 27-мӗшӗнчи каҫхине сиксе тухнӑ.
Халӗ хӗрарӑма тытса чарнӑ, ӑна вӑхӑтлӑха хупса хунӑ.
Юнлӑ пӑтӑрмах тӗлӗшпе пуҫиле ӗҫ пуҫарнӑ, ӑна тӗпчевҫӗсем малалла тӗпчеҫҫӗ.
Канашри ишӗлсе пыракан ҫуртра пурӑнакансем Раҫҫейӗн Следстви комитечӗн Чӑваш Енри управленийӗн ертӳҫи Александр Полтинин патне пулӑшу ыйтма пынӑ. Вӗсен ҫурчӗ Автовокзал урамӗнче вырнаҫнӑ иккен. Ҫав ҫурта 2018 ҫултах ишӗлекен ҫурт тесе йышӑннӑ. Анчах унта пурӑнакансен ыйтӑвӗ паян кун та татӑлман, вӗсен пурӑнма начар ҫуртра тӗпленсе пурӑнма тивет.
Александр Полтинин хӑйӗн патне йышӑнӑва пынӑ Канаш ҫыннисее тӗплӗн итленӗ, вӗсем илсе пынӑ хутсене тарӑннӑн тишкернӗ, унтан Канашри пайӑн тӗпчевҫисене ку ыйтупа пуҫиле ӗс пуҫарма хушнӑ.
Тӗпчевҫӗсем РФ Пуҫиле кодексӗн 293-мӗш статйипе пуҫиле ӗҫ пуҫармалла. Ӗҫ вырӑнӗнчи ҫынсем хӑйсен тивӗҫне пурнӑҫламанран ҫынсем правине пӑссан шӑпах ҫав статьяпа явап тыттараҫҫӗ.
Шупашкара Мускавран килекен пуйӑсра вӑрҫӑнма тапранса кайнӑ арҫынна суд 80 пин тенкӗ штраф хурса панӑ.
Пӑтӑрмах кӑҫалхи кӑрлач уйӑхӗнче пулса иртнӗ. Мускав облаҫӗнчи Мытищи хулинче пурӑнакан 35 ҫулти арҫын 54-мӗш номерлӗ пуйӑсра хӑйне килӗшӳсӗр тытнӑ. Ҫакна пассажирсем те, проводник та тӳсеймен — йӗрке хуралҫисене чӗнсе илес тенӗ.
Владимир облаҫӗнчи Муром районӗнчи Стригино станцийӗнче пуйӑса транспорт полицийӗн ӗҫченӗсем кӗрсе тӑнӑ. Анчах вӗсене курсан та арҫын лӑпланман. Арҫын пакунлине тапса ҫапма тапранса кайнӑ. Кун пирки транспорт прокуратуринче пӗлтернӗ.
Нумаях пулмасть Муром хулинчи суд арҫынна РФ Пуҫиле кодексӗн 318-мӗш статйин 1-мӗш пайӗпе айӑпланӑ. Йӗрке хуралҫи ҫине алӑ ҫӗкленӗшӗн 80 пин тенкӗ штраф тӳлеттерме йышӑннӑ.
Вӑрнар районӗнчи Пӑртас ялӗнчи нумай хваттерлӗ ҫурта йӗркеллӗ тытса тӑман. Унӑн ҫивиттийӗнчен шыв кайса пурӑннӑ, нӳхрепе вара шыв тулнӑ.
Пӑтӑрмах пирки ҫав ҫуртра пурӑнакан хӗрарӑм Раҫҫейӗн Следстви комитечӗн Чӑваш Енри управленийӗн пуҫлӑхне Александр Полтинина пӗлтернӗ. Вӑл Пӑртас ялӗнчи Шкул тӑкӑрлакӗнчи 6-мӗш ҫурт адреспа вырнаҫнӑ ҫурт никӗсӗ йӑтӑнса та анма, инженери коммуникацийӗсем юрӑхсӑра тухма пултараҫҫӗ тесе пӑшӑрханнӑ.
Ҫурта йӗркеллӗ тытса тӑманран Александр Полтинин ӗҫтешӗсене РФ Пуҫиле кодексӗн 293-мӗш статйипе ӗҫ пуҫарма хушнӑ.
Шупашкарта Африкӑран пирӗн хулари аслӑ шкулсенчен пӗрне вӗренме килнӗ хӗр тавар вӑрланӑ.
Пӑтӑрмах иртнӗ уйӑх вӗҫӗнче Энгельс урамӗнчи пысӑк пӗр лавккара пулса иртнӗ. Сентре ҫинчен косметика, гигиена хатӗрӗсем, соуссем, кофе, пылак апат-ҫимӗс тата ҫӗр ҫырли ҫухалнӑ. Ку тавара укҫа ҫине куҫарсан 17 пинрен иртсе каять иккен.
Йӗрке хуралҫисем видеокамера пӑхнӑ та касса патӗнчен Африкӑран килнӗ ҫын сӑнлӗ хӗр иртсе кайнине асӑрханӑ. Кӗҫех вӗсем Мароккӑран Шупашкара вӗренме килнӗ 18 ҫулти студенткӑна тытса чарнӑ. Чӑваш Ене вӗренме вӑл 2025 ҫул вӗҫӗнче килсе ҫитнӗ иккен, анчах кӑштахран пӑтӑрмаха ҫакланнӑ.
Тӳрӗ ҫултан пӑрӑннӑ студентка тӗлӗшпе тӗпчевҫӗсем РФ Пуҫиле кодексӑн 158-меш статйипе пуҫиле ӗҫ пуҫарнӑ.
Шупашкарта вӑйпитти арҫын ҫивитти айне пулса вилнӗ. Инкек ака уйӑхӗн 2-мӗшӗнче пулса иртнӗ.
РФ Следстви комитечӗн Чӑваш Енри управленийӗн пресс-службинче пӗлтернӗ тӑрӑх, пӑтӑрмах тӗлӗшпе РФ Пуҫиле кодексӗн 216-мӗш статйин 2-мӗш пайӗпе пуҫиле ӗҫ пуҫарнӑ. Ку статьяпа строительство ӗҫӗ пынӑ чухне хӑрушсӑрлӑх правилине пӑснӑран астумасӑр ҫын вилсен явап тыттараҫҫӗ.
Шупашкарти суту-илӳ комплексӗсенчен пӗрин склачӗн ҫивиттийӗ йӑтӑнса аннӑ пулнӑ. Ҫавна тирпейленӗ чухнӗ тӑрса юлнӑ конструкци персе аннӑ, вӑл рабочисенчен пӗрне аяла тунӑ. Шар курнӑ арҫын инкек вырӑнӗнчех куҫне ӗмӗрлӗхе хупнӑ.
Халӗ тӗпчневҫӗсем ӗҫе малалла тӗпчеҫҫӗ.
Вӑрмар районӗнчи Кутеснер ялӗнче икӗ ҫамрӑк арҫын малтан пӗрле эрех ӗҫне, унтан пӗри теприне вӗлермелле хӗнесе пӗтернӗ.
Пӑтӑрмах пуш уйӑхӗн 8-мӗшӗнче пулса иртнӗ, халӗ 33 ҫулти арҫынна тытса чарнӑ. Ун тӗлӗшпе РФ Пуҫиле кодексӗн 111-мӗш статйин 4-мӗш пайӗпе ӗҫ пуҫарнӑ. Ку статьяпа ҫынна асӑрханмасӑр вӗлерсен явап тыттараҫҫӗ.
Тӗпчевҫӗсем палӑртнӑ тӑрӑх, хӑйӗн килӗнче пӗлӗшӗпе эрех ӗҫсе ларнӑ. Кайран иккӗшӗн хушшинче тавлашу сиксе тухнӑ. Ӑна вӑл йывӑҫ авӑрпа хӗнеме тапранса кайнӑ. Кайран урайне тӗксе янӑ.
Суранланса пӗтнӗ арҫын кӑштахран куҫне ӗмӗрлӗхе хупнӑ.
Халӗ икӗ киле те хуйхӑ пырса ҫапнӑ. Айӑпланакан арҫын тӑванӗсемшӗн те шухӑш, вилнин тӑванӗсен хуйхи тата та йывӑртарах, мӗншӗн тесен вӑл ҫак ҫӗр ҫинче текех утса ҫӳреймӗ.
+18.3 °C